|
|
|
Islamic LinksSuugaan LinksWararka
Audio |
Benazir Bhutto oo la dilay Raiisal wasaarihii hore ee dalka Pakistan Benazir Bhutto ayaa daqiiqado ka hor geeriyootay kadib markii qof naftii hure ahi (suicide) uu isku qarxiyay goob fagaare ah oo ay khudbad ka jeedinaysay
Dhaqaatiirtii qaliinka ku samaynaysay Benazir Bhutto ayaa xaqiijisay dhimashadeeda, waxaana sidoo kale goobta fagaaraha ku geeriyooday 13 qof oo ka mid ahaa taageerayaasheeda. Gobolkii ay ku dhalatay Benazir bhutto ayaa waxaa isugu soo baxay dadwayne cadhaysan, iyagoo bilaabay in ay weerar la beegsadaan goobaha fariisinka u ah dawlada Pakistan, waxayna dadku ku qaylinayeen (Benazir Bhutto waxa dilay madaxwaynaha dalka Pakistan Musharaff). 
Madax faro badan oo katirsan aduunka ayaa dhaleecayn u soo jeediyay kuwii ka danbeeyay dilkii loo gaystay haweenaydan, waxayna ka codsadeen dawlada Pakistan in la magacaabo gudi baaritaan ku sameeya falkii lagu qaarajiyay haweenaydii caanka ka ahayd dunida muslimka iyo dhamaan beesha caalamka (Marxuumad Benazir Bhutto). WQ: Maxamuud Maxamed Yuusuf. Muran ka taagan qaabka loo dilay Benazir Bhutto Ehelada Reysalwaasirihii hore ee dalka Pakistan Benazir Bhutto iyo taageerayaasheeda ayaa ku dooday in aanay waxba ka jirin hadal ka soo yeeray dawlada Pakistan oo sheegaya inay Benazir u dhimatay dhaawac ka soo gaaray markii ay madaxa ku dhufatay baabuurkii loola cararay qaraxa markii uu dhacay.
Afhayeen u hadley dawlada Pakistan ayaa sheegay inay u dhimatay Benazir Bhutto,kadib markii ay si xun madaxa oogu dhufatay gaarigeeda,iyadoo ka cararaysa qaraxii ka dhacay goobta,balse taageerayaasha ayaa ku adkeysanaya inay u dhimatay dhaawac luqunta ka soo gaaray,rasaas uu la beegsaday qof naftiiisa qarxiyay,kadib markii uu hubsaday rasaastii uu la helay marxuumada. Taageerayaasha ayaa sheegay intii aan la dilin haweeneydan,waxay qaar ka mid ah ciidamada sirdoonka ee dalka Pakistan ku eedeysay inay ku lug-lahaayeen isku-day dil oo ay ka bad-baaday bishii Oktoobar. Hogaamiye-sare oo ka tirsan mucaaradka Madaxweyne Musharaf oo lagu magacaabo Amir Khan ayaa sidoo kale ka dhawaajiyay in Madaxweyne Musharaf iyo dawladiisa ay dareemeen miisaanka siyaasadeed ee Benazir Bhutto ay ku laheyd shacabka Pakistan dhexdiisa,kadibna ay iska indhotireen inay ilaaliyeen amaankeeda. Murankaan soo dhex-galay taageerayaasha iyo dawlada Pakistan ee ku saabsan habkii ay u dhimatay Benazir Bhutto,ayaa waxaa mar-dhaw saxaafada loo soo bandhigay cajal laga duubay goobtii ay ku geeriyootay haweeneydan,oo muujinaya habkii ay u dhimatay. Taariikhda Bhutto iyo xaalada Pakistan
Aasitaanka Benazir ayaa ku soo aadaya xili ay rabshado hareeyeen magaalooyin badan oo ka tirsan dalka Pakistan,iyadoo la gubay xarumo badan oo ay ka mid yihiin,Bangiyo, dhismayaal-dawladeed,Petrol-Staions,iyo gawaari lagu qiyaasay 200,ilaa iyo hadana waxaa si xawli ku socda mudaaharaad wato rabshado. Marxuumad Benazir ayaa ku riyooneysay inay mar uun Madaxweyne ka noqoto dalka Pakistan,iyadoo aheyd qof aad oogu dhaga-nugul danaha reer galbeedka,balse riyadeedii ayaa dhamaatay maalinamadii shaleyto aheyd. Waxaa xusid mudan in Benazir Bhutto lagu aasayo goob u dhaw qabrigii Aabaheed oo Madaxwenye isagoo ah,la dal-dalay sanadkii 1979-kii,kadib markii afgambi milateri wadanka uu ku qabsaday Madaxweynihii la oran-jiray Ziyaa-ul-Xaq. Sidoo kale walaalaheed oo iyagana lagu dilay arimo siyaasadeed ayaa iyagana ku aasan goobta iyadu lagu aasay qabriyo u dhaw,waxayna qoyskaan mareen wadadii ay mareen Reer Sadam Xuseenkii dalka Ciraaq xukumay,oo iyagu maanta aysan cidna ka nooleyn,sida ku dhacday qoyska reer Bhutto,marka laga reebo caruur ay dhashay marxuumad Benazir Bhutto iyo kuwa ay eedo u tahay. Taariikh nololeedkii Benazir Bhuto Waxay kuqaadatay daraasada siyaasada iyo dhaqaalaha jaamacadaha Oxford iyo Hardford waxa ayna guursatay sanadii 1987. Asif Cali Zardaray oo xubin ka ah balmanka dalka oo u dhashay sadex caruur ah. Sanadii 1989 waxay ay soo saartay buug ay kaga hadlayso nolosheeda ay soo martay maadaama ay waxbadan kunoolayd wadamada reer galbeedka aabaheedna uu ahaa nin door wayn kuleh siyaasada dalka Pakistaan buugaas oo ay u bixisay (GABADHII QADAR ).
Nolosheedii Dhanka siyaasada QABASHADII XILKA RAYSALWASAARANIMADA Kadib markay kuguulaysteen xisbiga ay hogamainaysay Benazir Bhuto ee ( PPP) codad aad u yar doorashooyinka barlamaanka. Isla sanadii 1988 ayaa u sahashay inay qabato xilka raysal wasaaranimada ayadoo markaas dadeedu ahayd 35 isla markaasna noqotay haweenaydii ugu yareed ee qabata xilka raysal wasaare ee da yar iyadoo isdoo kale noqotay haweenaydii ugu horaysay ee dal islaam ah xilkan oo kale kaqabata casrigaan. DHicidii Xukuumadeeda Mudo yar kadib waxaa hareeyey xukuumadii Benazir Bhuto dhaqaalo xumo ay wax kaqabanwayday iyo waliba siyaasad xumo taas oo sabab u noqotay inuu soo saaray madaxwayne Qulaam Isxaq Khan qaraar ridaya xukuumada Benazir Bhuto. Sanadii 1990 bishii Agust ayadoo sidoo kalana xabsi sadexsano ah lagu kuxumay ninkeedii (1990-1993) isagoo xiligaas ahaa wasiirka maalgashiyada dibadda kadib markii lagu soo eedeeyay lunsi lacago. Soo noqoshadeedii xukuumada marlabaad
Sadex sano kadib Benazir Bhuto waxay ay kusoo laabatay xafiiskeedii kadib markii uu kuguulaystay xisbigeedu doorahsooyinkii dalka kadhacay october sanadii 1993 waxayna marlabaad noqotay raysal wasaaraha dalkaasi laakiinse nasiib daro ma aysan sii joogin xafiiska raysal wasaaraha kadib markii uu soo saaray madaxweyne Faaruuq qaraar laga eryayo xafiiska Benazir Bhuto oo algu soo eedeeyay xukuumadeeda lunsi dhaqaale iyo waliba dalkii dhaqaalihiisii oo hoos u dhac wayn uu ku yimid taas oo lagu casilay xukuumadeeda mar labaad laguna eedeeayay ninkeeda qaadasho laaluush iyo waliba ku tigri falid hanti uu dalku lahaa. Soo noqoshadeedii ugu danbaysay Benazir Bhuto oo mudo gaaraysa 8 sano kamaqnayd dalka Pakistan ayaa dib ugu soo laabatay dalkeeda 18 october ee sanada 2007 kadib markuu u fidiyay madaxwayne Barvez Musharaf cafis. Dilkeedii 27 December 2007 ayaa ladilay Benazir Bhuto kadib markii ay dhamaysay khudbad ay ka jeedinaysay magaalada Rawal Bindi oo u dhaw magaalo madaxda dalka Pakistan taas ay isugu soo baxeen dad aad furabadan oo ah taageerayaasha xisbigeeda khudbadaas oo u ekeyd khudbadii sagootinteeda mudo yar kadib waxaa toogtay nin markii ay furtay daaqada gaari ay saarnayd oo katoogtay shafka(xabadka) iyo qoorta (cunaha,surka) taas oo sababtay inuu gaaro dhaawac halis ah isla markiina loo la cararo hospital balse ma aysan sii noolaan oo markiiba naftu waa ay kabaxday waxaana xaqiijiyay dhimashadeeda dhakhaatiirtii qaliinka kusamaynayay . Iyadoo ninkii toogtayna lasheegay inuu isku qarxiyay isla meeshii uu taagnaa iskuna qarxiyay bunbo uu watay ayadoo ay ladhinteen ilaa 13 qof iyadoo lasheegay inay kuwo kalana ay ku dhaawacmeen qaraxaas. .
|
Karim in Swedan
waraysi: actorka shahrukhan
akttarka shahrukhan: aabahay waxa uu akhrisan jiray kitaabka quraanka aniga sidaas ayuu igu bar-baariyay
sii akhri
hargeysa, somaliland
KALLUUN DABATOKalluunku waa nafley dhiiq-qabow oo jaadad badan ah oo biyaha ku dhexnool; wuxuu lee yahay laf-dhabar iyo xubin la yiraahdo qoonbiyaal ama waaf oo uu ka neefsado iyo dhego yaryar. Qaar waa yaryar oo waa kalluunka dhabta ah sida tarraaqad iyo tebadiin, qaarna waa waaweyn sida libaax-badeedka iyo kuwo kale sida neberi iyo geelmaanyo.. sii akhriXoolaha iyo dhaqaalahawadanka Somaliland dhaqaalaha ugu badan ee uu ku tiirsan yahay waa xoolaha nool: noocyada xoolaha waxaa ka mida Geela, Loda, Adhiga, Iwm, waxa loogu jecel yahay Geela oo isagu ah kan ugu adkaysiga badan uguna manaafacaadka badan Sii akhriMaxaa saamayn ku yeesha caafimaakda qofka?Caafimaadka bulshada guud ahaan iyo gaar ahaan ayaa si wayn waxa uu ugu xidhan yahay habdhaqanka qofka shaqsiga ah, taasoo qofku ku noolaado caafimaad qab hadii habnololeedkiisu wanaagsan yahay ama uu xumaado hadii habnololeedkiisu xun yahay... Akhrifanaanad Nimco yaasiin caraale:
Fanaanada nimco yaasiin caraale oo noqotay Burcad jaamac xirsi:
sii akhri
dhirta iyo manaafacaadsigeedaDhirtu waxay inoo leedahay manaafacaad faro badan, haday ahaan lahayd xaga nolosha oo aynu quudano iyo xaga dhaqaalaha oo aynu ka ganacsano. sii akhriBaafin: shugri axmed xirsi Xaliimo Axmed Husein Sheeko: nimaad dhashay kuma dhalin!Bil iyo badh ayaa ka soo wareegtay geeridii Idiris xaaskiisa, wuxuuna galabtaa dhex fadhiyay daarada gurigiisa: Aabo war-moogey, markaan ku arkaba hooyadaa ayaa qalbigayga ku maaxaysa. sii akhriCiid mubaarik::Kuli caam wa'antum bikhayr.
|
|
|
Benazir Bhutto ayaa maanta aas qaran loogu sameeyay magaaladii ay ku dhalatay ee (Sindh),waxaana qabriga dushiisa soo xaadiray kumanaan-kun oo taageerayaasheeda ah iyo ehelkeeda oo murugeysan.
WQ: Maxamuud Maxamed Yuusuf (xuuto)